مقبول خبریں
پاکستان میں سونے کی قیمت مزید بڑھ گئی
عالمی اور مقامی مارکیٹوں میں سونے کی قیمت میں آج پھر اضافہ ریکارڈ کیا گیا ہے۔
آل پاکستان جیمز انڈ جیولرز ایسوسی ایشن کے مطابق ملک میں فی تولہ سونا 500 روپے مہنگا ہوا ہے جس کے بعد ایک تولہ سونے کا بھاؤ 2 لاکھ 42 ہزار 500 روپے ہوگیا۔
ایسوسی ایشن کے مطابق 10 گرام سونے کی قیمت 429 روپے بڑھ کر 2 لاکھ 7 ہزار 905 روپے ہوگئی ہے۔
واضح رہے کہ گزشتہ روز پاکستان میں فی تولہ سونا 1100 روپے مہنگا ہو کر 2 لاکھ 42 ہزار روپے پر پہنچا تھا۔
دوسری جانب بین الاقوامی صرافہ بازار میں 2 ڈالر اضافے کے بعد سونے کا نرخ 2322 ڈالرز فی اونس مقرر کیا گیا ہے۔