مقبول خبریں
ایران، اسرائیل کشیدگی: عالمی منڈی میں خام تیل کی قیمت بڑھ گئی
جی ٹی وی ویب ڈیسک
20 اپریل, 2024 10:53
مشرق وسطیٰ کی بگڑتی صورتحال کی وجہ سے عالمی منڈی میں خام تیل کی قیمت 3 ڈالر فی بیرل تک مہنگا ہوگیا۔
مشرقِ وسطیٰ کی بگڑتی ہوئی صورتِ حال کے باعث عالمی منڈی میں خام تیل کی قیمتوں میں اضافہ جاری ہے۔ جمعہ کے روز تھوڑی سی کمی کے بعد قیمتیں پھر بڑھ گئیں۔
خام تیل 3 ڈالر فی بیرل تک مہنگا ہوگیا۔ لندن برینٹ کروڈ کی قیمت 87 ڈالر 29 سینٹ بیرل تک پہنچ گئی۔ امریکی خام تیل کے سودے 82 ڈالر 96 سینٹ بیرل تک پہنچ گئے۔ اسٹاک مارکیٹس میں بھی محتاط لین دین ہو رہا ہے۔
مغربی نیوز ایجنسی کے مطابق ایران پر اسرائیلی حملے کے بعد مشرقِ وسطیٰ کی صورتِ حال مزید کشیدہ ہوگئی ہے جس کے نتیجے میں عالمی منڈی میں خام تیل کی قیمتیں بڑھ رہی ہیں۔
امریکا نے گزشتہ ہفتے اسرائیل پر ڈرون حملے کے بعد اوپیک کے ایک اور رکن ملک ایران پر بھی پابندیاں عائد کرنے کا اعلان کیا تھا تاہم ایران پر عائد پابندیوں میں اس کی تیل کی صنعت شامل نہیں۔
متعلقہ خبریں
