مقبول خبریں
معروف گلوکار نے انسٹاگرام سے تمام پوسٹ ڈیلیٹ کیوں کردیں؟
پاکستان کے ایک مشہور گلوکار نے انسٹاگرام سے اپنی تمام پوسٹس ڈیلیٹ کرتے ہوئے سب کو ان فالو کر دیا ہے۔
گزشتہ رات گلوکار عاصم اظہر کی پروفائل کے چند اسکرین شاٹس سوشل میڈیا پر وائرل ہوئے جس میں دیکھا جاسکتا ہے کہ ان کی پروفائل پر موجود تمام تصاویر اور ویڈیوز ڈیلیٹ کردی گئی تھیں۔
سوشل میڈیا صارفین گلوکار عاصم اظہر کے بارے میں طرح طرح کی قیاس آرائیاں اور وجہ جاننے کی کوشش کر رہے ہیں۔
عاصم اظہر کی انسٹاگرام پروفائل کے مطابق تقریبا تین ملین فالوورز والے اکاؤنٹ میں اب کوئی تصویر یا پوسٹ نہیں ہے۔
تاہم مقبول گلوکار کے ایسا کرنے کی وجہ سامنے نہیں آسکی اور نہ ہی انہوں نے اس پر کوئی تبصرہ کیا۔
گلوکار نے انسٹاگرام پر ایک معنی خیز اسٹوری بھی پوسٹ کی جس میں انہوں نے لکھا کہ اپنے آپ کو تلاش کرنے کے لیے آپ کو سب سے پہلے خود کو کھونا ہوگا۔