مقبول خبریں
جامعہ کراچی کا ایرانی صدر کو اعزازی پی ایچ ڈی ڈگری دینے کا فیصلہ
جامعہ کراچی کی انتظامیہ نے ایرانی صدر ڈاکٹر سید ابراہیم رئیسی کو دورہ پاکستان کے موقع پر پی ایچ ڈی کی اعزازی ڈگری دینے کا فیصلہ کیا ہے۔
ایرانی صدر ڈاکٹر سید ابراہیم رئیسی کو پی ایچ ڈی کی اعزازی ڈگری دینے کی سفارش گورنر سندھ کامران ٹیسوری نے کی تھی۔
یاد رہے کہ گورنر سندھ کامران ٹیسوری جامعہ کراچی کے چانسلر بھی ہیں، ان کی سفارش کے بعد جامعہ کے وائس چانسلر ڈاکٹر خالد محمود عراقی نے سینڈیکیٹ کا خصوصی اجلاس ہفتہ 20 اپریل کو طلب کرلیا۔
سینڈیکیٹ اجلاس میں ایرانی صدر ڈاکٹر سید ابراہیم رئیسی کو پی ایچ ڈی کی اعزازی ڈگری دینے کی باقاعدہ منظوری دی جائے گی۔