مقبول خبریں
کراچی میں موٹر سائیکل چور گینگ کے تین کارندے گرفتار
کراچی : قانون نافذ کرنے والے اداروں نے موٹر سائیکل چور گینگ کے تین کارندے گرفتار کرلیئے۔
پولیس اور رینجرز نے لانڈھی اور کورنگی میں مشترکہ کارروائی کرتے ہوئے انتہائی مطلوب موٹر سائیکل چور گروپ کے تین کارندے گرفتار کرلیئے۔
ملزمان شبیر، اویس اور شاہ رخ سے چھینی گئیں 10 موٹر سائیکلیں اور موٹر سائیکلوں کے چیچس بھی برآمد کرلیئے۔
یہ بھی پڑھیں : 250 سے زائد ڈکیتیوں کی وارداتوں میں ملوث 4 ملزمان گرفتار
ملزموں نے لانڈھی اور کورنگی میں 40 سے 45 موٹرسائیکلیں چھیننے کا اعتراف کیا۔ ملزم چوری شدہ موٹرسائیکلوں کے پارٹس نکال کر دوسرے موٹرسائیکلوں میں فٹ کرتے اور چیچس نالے میں پھینک دیتے تھے۔
گرفتار ملزموں اور چوری شدہ موٹرسائیکلیں مزید قانونی کارروائی کے لیے پولیس کے حوالے کردیں گئیں۔