وزیر اعظم کا رمضان ریلیف پیکج مبینہ کرپشن کی نذر

وزیر اعظم شہباز شریف کے رمضان ریلیف پیکج میں مبینہ کرپشن کا انکشاف ہوا ہے جس کے تحت متعدد افسران کو معطل کردیا گیا۔

جی ٹی وی کے مطابق یوٹیلیٹی اسٹورز پر وزیر اعظم رمضان ریلیف پیکج میں مبینہ کرپشن کے انکشاف کے بعد وزیر صنعت و پیداوار کی ہدایت پر یوٹیلیٹی اسٹورز کارپوریشن کے متعدد افسران کو معطل  کردیا گیا۔

ترجمان وزارت صنعت وپیداوار کے مطابق افسران اور اہلکار بدعنوانی میں ملوث پائے گئے ، یوٹیلیٹی اسٹورز افسران کیخلاف سخت کارروائی کی جائے گی ۔

علاوہ ازیں متعدد افسران کو معطل کر کے مختلف زونز میں افسران کے خلاف تحقیقات ہونگی۔