گندم اسکینڈل پر سابق نگراں وزیر اعظم کا موقف سامنے آگیا

سابق نگراں وزیراعظم انوار الحق کاکڑ نے گندم اسکینڈل کے حوالے سے کہا ہے کہ گندم کی پیداوار دیکھنا وزیراعظم کا کام نہیں۔

تفصیلات کے مطابق انوار الحق کاکڑ نے کہا کہ 4ملین میٹرک ٹن گندم کی قلت ہے اور صرف 34ملین میٹرک ٹن گندم درآمد کی گئی ہے۔

سابق نگران وزیراعظم نے ایک انٹرویو کے دوران کہا کہ گندم کی مصنوعی طلب صوبوں کی جانب سے پیدا کی گئی، مصنوعی مطالبہ پیدا کرنے والے بیوروکریٹس اب بھی صوبوں میں اہم عہدوں پر موجود ہیں۔

اس سے قبل مسلم لیگ (ن) کے رہنما حنیف عباسی نے جب مقامی ٹی وی شو میں گندم کی درآمد کا معاملہ اٹھایا تو کاکڑ نے کہا کہ اگر فارم 47 کی بات کریں گے تو مسلم لیگ (ن) اپنا منہ چھپا لے گی۔

مزید پڑھیں:

گندم اسکینڈل: حنیف عباسی اور انوارالحق کاکڑ کے درمیان شدید تلخ کلامی

انوا الحق کاکڑ نے مزید کہا کہ خفیہ ایجنسیاں عدالت کے سامنے جوابدہ نہیں ہیں کیونکہ وہ صرف وزیر اعظم اور وزارت دفاع کو جوابدہ ہیں۔

انہوں نے مزید کہا کہ ان کے جنرل عاصم منیر کے ساتھ اچھے تعلقات ہیں جبکہ انہوں نے ریٹائرمنٹ کے بعد سابق چیف جسٹس عمر عطا بندیال سے رابطہ کیا تھا۔

انوار الحق کاکڑ نے کہا کہ میں نے سابق چیف جسٹس عمر عطا بندیال کو الوداعی فون کیا اور انہیں بتایا کہ انہوں نے اپنا کام مکمل کر لیا ہے،اللہ ان کے لیے معاملات آسان کرے۔

انہوں نے کہا کہ ہمارے پاس کسی مرحوم کو الوداع کہنے کا کلچر نہیں ہے۔ انہوں نے مزید کہا کہ انہوں نے نئے چیف جسٹس کی حلف برداری کی تقریب میں شرکت کے لیے اقوام متحدہ کی جنرل اسمبلی کا سفری منصوبہ تبدیل کر دیا ہے۔

واضح رہے کہ گندم درآمد اسکینڈل کی تحقیقات کرنے والی کمیٹی نے سابق نگراں وزیراعظم اور سابق نگران وزیراعلیٰ پنجاب محسن نقوی کو طلب کرنے کی خبروں کی تردید کی ہے۔