روزانہ یونیورسٹی جانے والی بلی کو ڈاکٹریٹ کی اعزازی ڈگری مل گئی

امریکی ریاست ورمونٹ اسٹیٹ یونیورسٹی کیسلٹن کیمپس میں روزانہ یونیورسٹی جانے والی بلی کو ڈاکٹریٹ کی اعزازی ڈگری مل گئی۔

غیر ملکی میڈیا کے مطابق ‘میکس’ نامی بلی نے ورمونٹ اسٹیٹ یونیورسٹی کیسلٹن کیمپس کے داخلی راستے کے قریب رہائش اختیار کی ہوئی ہے جو روزانہ کی بنیاد پر یونیورسٹی میں حاضری دیتی ہے۔

زیادہ تر یونیورسٹی میں رہنے کی وجہ سے بلی طالب علموں اور اساتذہ سے مانوس ہے جس کے سبب وہ یونیورسٹی کو کسی قسم کا نقصان نہیں پہنچاتی۔

بلی کی طالب علموں اور اساتذہ سے محبت کو دیکھتے ہوئے یونیورسٹی کے عہدیداروں کی جانب سے بلی کو اعزازی ڈاکٹریٹ کی ڈگری سے نوازا گیا اور اسے ڈاکٹر آف لٹر- ایچر (Doctor of Litter-ature) کا لقب دیا گیا ہے۔

بلی کے حوالے سے کہا جا رہا ہے کہ یہ بلی سوسائٹی میں کافی سوشل ہے اور سیفلی کیلئے پوز بھی بناتی ہے جبکہ کھیل کود میں سرگرم رہنے کے ساتھ ساتھ طالب علموں سے اپنے نخرے بھی اٹھواتی ہے۔