یوٹیوب انتظامیہ کا اہم فیصلہ، اشتہار ہٹانے والے بٹن کا کیا ہوگا؟

یوٹیوب پر ویڈیوز تو آپ سب ہی دیکھتے ہوں گے لیکن آپ کی پسندیدہ ویڈیو کے درمیان اشتہار آتے ہی سارا مزہ کرکرا ہوجاتا ہے۔ اس مسئلے کے حل کیلئے اشتہار ہٹانے کا بٹن (skip ads) کے نام سے سامنے آتا ہے جس کی مدد سے چند سیکنڈز بعد ہی آپ وہ اشتہار ہٹا سکتے ہیں۔

بین الاقوامی ذرائع ابلاغ کی رپورٹ کے مطابق یوٹیوب اشتہارات کو ہٹانے والے (skip ads) بٹن میں اہم تبدیلیاں کرنے جارہا ہے۔

ویڈیو سےاشتہار ہٹانے کا یہ بٹن یوٹیوب کی متعدد ایپس پر دکھائی دیتا ہے ۔اس آپشن کی عمومی شکل مستطیل (rectangle) ہوتی ہے جو یوٹیوب کے نئے ڈیزائن سے مطابقت نہیں رکھتا۔

رپورٹ کے مطابق یوٹیوب اب اس بٹن کے نئے ڈیزائن کی آزمائش کر رہا ہے۔ یہ نیا بٹن موجودہ بٹن کی نسبت کافی چھوٹا ہے لیکن یہ نئے ڈیزائن سے مطابقت رکھتا ہے۔

یہ بھی پڑھیں کیا آپ فیس بک سے پیسے کمانا چاہتے ہیں؟ تو یہ تحریر آپ کیلئے ہے

ترجمان یوٹیوب نے اس آزمائش کی تصدیق کرتے ہوئے کہا کہ کمپنی تمام پلیٹ فارمز پر موجود (skip ads) بٹن کے ڈیزائن کو اپ ڈیٹ کرنے کے لیے آزمائش کر رہی ہے۔ کمپنی کا مقصد صارفین کو نئے یوٹیوب کے نئے ڈیزائن کے ساتھ بہتر تجربہ فراہم کرنا ہے۔