واٹس ایپ نے اسٹیٹس آپشن میں نیا اضافہ کر دیا

میسجنگ ایپ واٹس ایپ کی جانب سے اسٹیٹس آپشن میں ایک نئے فیچر کا اضافہ کیا جا رہا ہے۔

واٹس ایپ کی جانب سے مارچ 2024 میں اسٹیٹس اپ ڈیٹ مینشنز نامی فیچر پر کام شروع کیا گیا تھا اور اب اسے اینڈرائیڈ ڈیوائسز کے لیے نئے بیٹا (beta) ورژن میں متعارف کرایا گیا ہے۔

 واٹس ایپ بیٹا انفو کی رپورٹ کے مطابق اسٹیٹس اپ ڈیٹ مینشنز فیچر بیٹا ورژن کے صارفین کو دستیاب ہے۔

مزید پڑھیں:خبردار! واٹس ایپ کا یہ فیچر آپ کی تصاویر لیک کر سکتا ہے

رپورٹ میں بتایا گیا کہ اس فیچر کے تحت جب آپ اسٹیٹ اپ ڈیٹ کے ذریعے تصویر یا ویڈیو کو شیئر کریں گے تو کیپشن بار میں @ بٹن پر کلک کرکے کسی کانٹیکٹ کو مینشن کرسکیں گے۔ جس کانٹیکٹ کو مینشن کیا جائے گا، اسے ایک نوٹیفکیشن کے ذریعے آگاہ کیا جائے گا کہ آپ نے اسے اپنے اسٹیٹس میں مینشن کیا ہے۔

مگر انسٹا گرام کے برعکس جب آپ کا مینشن کردہ فرد اسٹیٹس کو ری شیئر کرے گا، تو آپ کی شناخت خفیہ رہے گی۔

جن افراد کو مینشن کیا جائے گا وہ اس اسٹیٹس کو اپنے کانٹیکٹس کے ساتھ ری شیئر کرسکیں گے، جس کا آپشن ریپلائی باکس کے برابر میں نظر آئے گا۔