مقبول خبریں
کراچی کی صفائی مہم کا آغاز آج سے ہورہا ہے، تمام تیاریاں مکمل ہیں : علی زیدی
کراچی : وفاقی وزیر علی زیدی نے کہا ہے کہ شہر کی صفائی کے لیئے آج سے عملے، سازو سامان اور سیکورٹی اسٹاف کی تقرری کا عمل شروع ہوگا۔
کراچی کی صفائی کے حوالے سے وفاقی وزیر بحری امور علی زیدی نے اپنے بیان میں کہا ہے کہ منصوبہ بندی مکمل ہوگئی ہے اور وسائل کا اہتمام کیا جاچکا ہے۔ آج سے عملے، سازو سامان اور سیکورٹی اسٹاف کی تقرری کا عمل شروع ہوگا۔
علی زیدی نے کہا کہ سارا عمل کراچی کی قیادت اور انتظامی اسٹیک ہولڈرز کیجانب سے کیا جارہا ہے۔ میری اس عظیم شہر کے عظیم باسیوں سے گزارش ہے کہ اس تحریک کو اپنائیں۔ صفائی کی اس مہم میں ایک دوسرے کی معاونت و حوصلہ افزائی کریں۔
انہوں نے کہا کہ اس مہم میں عطیات اور وسائل سمیت ہاتھ بٹانے والوں کا مشکور ہوں۔ کراچی کی نظافت کا یہ ہدف بہت بڑا ہے، جسے ہم باہم ملکر حاصل کرسکتے ہیں۔