ٹویٹر نے آئی او ایس کے لیے پیغامات کی تھریڈ کا آپشن پیش کردیا

سان فرانسسكو: ٹویٹر نے آئی او ایس کے لیے پیغامات کی تھریڈ کا آپشن پیش کردیا بہت سی قیاس آرائیوں کے بعد  ٹویٹر نے ہر ٹویٹ پر ردِ عمل اور پیغامات دکھانے والا ایک آپشن پیش کردیا ہے

جو کسی سلسلے یا تھریڈ کی صورت میں عین اسی طرح دکھائی دے گا جس طرح فیس بک پر کسی پوسٹ پر چیٹ یا ردِ عمل دکھائی دیتا ہے۔

اگرچہ دوسال قبل ٹویٹر نے اس کا اعلان کیا تھا اور اس کی ایک جھلک بھی دکھائی تھی۔ اس آپشن سے اندازہ کیا جاسکتا ہے کہ آپ کو کون فالو کررہا ہے اور ٹویٹ سے شروع ہونے والی گفتگو پر کون اظہارِ خیال کررہا ہے

یہ بھی پڑھیں:70 کی دہائی میں پاکستان سائنس و ٹیکنالوجی میں بہت آگے تھا : فواد چوہدری

ٹویٹر ایپ پر اس کی بی ٹا ٹیسٹنگ جاری ہے اور تھریڈ آپشن پر ٹویٹ کے جواب در جواب کا ایک وسیع سلسلہ شروع ہوجاتا ہے۔ لیکن واضح رہے کہ یہ ابھی ٹیسٹنگ کے مرحلے میں ہی ہے ۔ اگر ٹویٹر اس کے نتائج سے مطمئین نہیں ہوتا تو بھول جائیں کہ یہ آپشن کبھی ایپ میں شامل ہوسکے گا۔ ٹویٹر تھریڈ آپشن کو عام افراد اور ماہرین دونوں ہی آزمارہے ہیں اور یہ سلسلہ کئی ماہ سے جاری ہے۔

اگر یہ آپشن ٹویٹر کا حصہ بن جاتا ہے تو آپ اپنی ٹویٹ پر لوگوں کے تاثرات فوری طور پر آسانی سے پڑھ سکیں گے۔ توقع ہے کہ اس طرح فیس بک کی طرح لوگ ٹویٹر پر زیادہ وقت گزاریں گے۔