ٹوئٹر ملازمین جب تک چاہیں گھروں سے کام کرسکتے ہیں: سربراہ ٹوئٹر

عالمی وبا کورونا وائرس کے پیشِ نظر متعدد کمپنیوں نے اپنے ملازمین کو گھر سے کام کرنے کی اجازت دے رکھی ہے۔

اس ضمن میں مائیکرو بلاگنگ سائٹ ٹوئٹر کے سربراہ جیک ڈورسی کا کہنا ہے کہ ان کے ملازمین جب تک چاہیں گھر سے کام کر سکتے ہیں۔

کمپنی ترجمان کے مطابق جیک ڈورسی نے ملازمین سے کہا ہے کہ زیادہ تر افراد کو کورونا وائرس کی وبا ختم ہونے کے بعد بھی گھروں سے کام کرنے کی اجازت ہوگی۔

کمپنی ترجمان کا مزید کہنا تھا کہ گزشتہ چند مہینوں میں ثابت ہو گیا کہ ہمارے ملازمین گھروں سے کام کر سکتے ہیں، تو اگر کمپنی کے ملازمین نے چاہا کہ وہ آگے بھی گھروں سے ہی کام کریں تو انہیں اجازت دی جائے گی۔

علاوہ ازیں انہوں نے کہا کہ اگر ملازمین ایسا نہیں بھی چاہیں گے تو کمپنی تب بھی جب ضروری اور محفوظ سمجھے گی تو دفتروں کو احتیاطی تدابیر کے ساتھ کھول دے گی۔