ایپل نے آئی فون سے بھی مہنگے ہیڈ فونز متعارف کرادیے

برکلے، کیلیفورنیا: ایپل نے اپنے نئے وائرلیس ایئرپوڈز کا اعلان کردیا ہے جو درحقیقت آئی فون کے کئی ماڈلوں سے بھی مہنگے ہیں۔

منگل کے روز ایپل نے وائرلیس ایئرپوڈ میکس کا اعلان کیا گیا تھا جس کی قیمت 549 ڈالر رکھی گئی ہے جو اس کمپنی کے کئی ٹیبلٹ اور مشہور فون سے بھی مہنگا ہے۔ لیکن ایپل پرامید ہے کہ ماہِ دسمبر کی چھٹیوں میں لوگ اسے خریدیں گے۔

اس کی وجہ یہ ہے کہ اچھے ہیڈ فون بھی یہ کام کرتے ہیں لیکن نیا ایئرپوڈ میکس ماڈل انتہائی جدید ہے اور شور کم کرنے کی صلاحیت رکھتا ہے۔

یہ بھی پڑھیں: نئے آئی فون 12  میں حیرت انگیز تبدیلیاں

بوش کمپنی کے تیارکردہ ایسے ہی ایئرپوڈ کی قیمت اس وقت 340 ڈالر کے لگ بھگ ہے۔

ایپل نے اعلان کیا ہے کہ اس کے بنیادی ایئرپوڈ اور ایئرپوڈ پرو ماڈل بالترتیب 159 اور 249 ڈالر میں دستیاب ہیں۔ ایئرپوڈز میکس میں نوعدد مائیکروچپ لگی ہیں اور دو عدد ایچ ون چپ بھی نصب ہیں۔ پھر آواز کو بہتر بنانے والا آڈیو پروسیسر بھی موجود ہے۔ اس میں بیرونی آواز اور شور کم کرنے والا جدید نظام بھی موجود ہے۔

اس کی ایک وجہ یہ بھی ہے کہ اس سال کی آخری سہ ماہی میں آئی فون کی فروخت 3 فیصد کم ہوئی ہے لیکن دیگر آلات کی فروخت میں 16 فیصد اضافہ ہوا ہے۔ شاید اسی وجہ سے ایپل نے اپنے ایئرپوڈ کو مزید جدید بنانے کا کام کیا ہے۔