مقبول خبریں
بھارت: انسٹاگرام نے ٹک ٹاک کی جگہ لینے کیلئے ‘ریلز’ لانچ کردیا
zohaib khan
09 جولائی, 2020 15:02
ممبئی: بھارت میں چین کی مقبول ترین ایپ ٹک ٹاک پر پابندی عائد کرنے کے بعد فوٹو شیئرنگ ایپ انسٹاگرام نے اپنا ٹک ٹاک کی نقل پر مبنی فیچر ‘ریلز’ متعارف کرادیا۔
انسٹاگرام نے اپنا ٹک ٹاک کی نقل پر مبنی یہ فیچر ‘ریلز’ گزشتہ برس برازیل میں متعارف کرایا تھا جس کے بعد اسے فرانس اور جرمنی میں بھی لانچ کیا گیا۔
اس فیچر کے تحت انسٹاگرام صارفین کو ٹک ٹاک کی طرح میوزک دستیاب ہوگا جس کا استعمال کرتے ہوئے وہ 15 سیکنڈ کی ویڈیو بنا کر شیئر کر سکتے ہیں۔
اب کمپنی نے اس فیچر کو برازیل، جرمنی اور فرانس کے بعد بھارت میں اس وقت متعارف کرایا ہے وہاں کی حکومت نے بھی ٹک ٹاک سمیت 59 چینی ایپس پر پابندی لگا دی ہے۔
خیال رہے کہ گزشتہ دنوں لداخ کی گلوان وادی میں چینی فوج کے ہاتھوں بھارتی فوج کی درگت اور اپوزیشن کے سخت ردعمل پر بھارت نے عوامی غم و غصہ ٹھنڈا کرنے کے لیے چینی موبائل ایپلی کیشنز پر پابندی عائد کی تھی۔
متعلقہ خبریں
