مقبول خبریں
برطانیہ اور امریکا سمیت دنیا کے مختلف ممالک میں ٹوئٹر سروس متاثر
امریکا اور برطانیہ سمیت دنیا کے مختلف ممالک میں مائیکرو بلاگنگ سائٹ ٹوئٹر کی سروسز متاثر ہوگئی ہیں۔
برطانوی اخبار ڈیلی میل کے مطابق برطانیہ اور امریکا سمیت دنیا کے مختلف ممالک میں سماجی رابطوں کی ویب سائٹ ٹوئٹر کی سروسز متاثر ہونے کی وجہ سے کروڑوں صارفین پریشان ہوگئے جبکہ ٹوئٹر ایپلی کیشن کریش ہونے کی بھی رپورٹس سامنے آئیں۔
رپورٹس کے مطابق صارفین کو موبائل پر اپنے ٹوئٹر اکاؤنٹ تک رسائی ممکن نہیں ہو پارہی البتہ کمپیوٹر یا لیپ ٹاپ پر رسائی ممکن ہے۔
یہ بھی پڑھیں: ایلون مسک کا 44 بلین ڈالر کا ٹوئٹر خریدنے کا معاہدہ ختم کرنے کا اعلان
Twitter is DOWN: Millions unable to access the social media network after website crashes https://t.co/pGuEOSkD9Y pic.twitter.com/xVJuwNshNn
— Daily Mail US (@DailyMail) August 29, 2022
تاہم ابھی تک سروسز متاثر ہونے کی وجوہات سامنے نہیں آسکیں جبکہ ٹوئٹر انتظامیہ کی جانب سے بھی تاحال کوئی واضح مؤقف نہیں دیا گیا ہے۔