ٹک ٹاک نے روس میں ویڈیو پوسٹنگ اور لائیو اسٹریمنگ معطل کردی

ٹک ٹاک نے روس میں لائیو اسٹریمنگ اور نئی ویڈیوز کی پوسٹنگ معطل کردی ہے۔

مشہور لپ سنکنگ ایپ ٹک ٹاک انتظامیہ کی جانب سے اتوار کے روز اعلان کیا گیا کہ روس میں فیک نیوز قوانین کے بعد لائیو اسٹریمنگ اور نئی ویڈیوزکی پوسٹنگ کو معطل کردیا ہے، تاہم اس دروان ایپ میسجنگ سروس متاثر نہیں ہوگی۔

بیان میں کہا گیا ہے کہ ٹک ٹاک تخلیقی صلاحیتوں اور تفریح ​​کا ایک ایسا پلیٹ فارم ہے جو جنگ کے اس وقت میں انسانی رابطے کا ذریعہ فراہم کر سکتا ہے لیکن جعلی خبروں کے قانون کے بعد کمپنی کے پاس اس کے علاوہ کوئی چارہ نہیں تھا۔

2/ In light of Russia’s new ‘fake news’ law, we have no choice but to suspend livestreaming and new content to our video service while we review the safety implications of this law. Our in-app messaging service will not be affected.

— TikTokComms (@TikTokComms) March 6, 2022

کمپنی نے مزید کہا کہ ملازمین اور صارفین کی حفاظت ہماری اولین ترجیح ہے۔

یہ بھی پڑھیں: اب آپ ٹک ٹاک پر 10 منٹ کی ویڈیو بھی بنا سکتے ہیں!

اس کے علاوہ یوکرین حملے پر احتجاج کرتے ہوئے آن لائن اسٹریمنگ سروس نیٹ فلیکس نے بھی روس میں اپنی سروس معطل کردی۔