گوگل کا نیا فیچر، یوٹیوب پلے ایبل لانچ ،یہ کیا ہے اور رسائی کیسے ملے گی ؟

گوگل کی جانب سے گوگل یوٹیوب پلے ایبل لانچ کردیاگیا ہے، یہ کیا ہے اور رسائی کیسے ملے گی،آئیے جانتے ہیں ۔

گوگل نے یوٹیوب کا تجربہ تبدیل کرنے کے لیے پلے ایبلز متعارف کروادیاہے، یہ ایک دلچسپ خصوصیت ہے جو گیمنگ کو براہ راست ویڈیو اسٹریمنگ پلیٹ فارم پرلاتی ہے۔

یوٹیوب پلے ایبل دلچسپ نئی خصوصیت کا حامل ہےجو گیمنگ کو براہ راست یوٹیوب ویڈیو اسٹریمنگ پلیٹ فارم پر لاتی ہے یہ خصوصیت صارفین کو مختلف قسم کے گیمز کو ڈاؤن لوڈ یا انسٹال کیے بغیر کھیلنے میں مدد دیتی ہے، یہ چلتے پھرتے گیمز کھیلنے کا ایک آسان طریقہ بناتی ہے۔

رپورٹ کے مطابق یہ نیا اضافہ صارفین کو اضافی تنصیبات یا علیحدہ ایپس کی ضرورت کے بغیر مختلف گیمز تک فوری رسائی فراہم کرتا ہے۔

یہ ممکنہ طور پر صارفین کو غلطی سے فون پر غیر ضروری ایپس ڈاؤن لوڈ کرنے سے بچائے گا اور پہلے سے کہیں زیادہ یوٹیوب سے منسلک رکھے گا۔

YouTube Playables ایک نئی خصوصیت ہے جو صارفین کو براہ راست YouTube ویب سائٹ یا موبائل ایپ پر گیم کھیلنے کی اجازت دیتی ہے،گیمز فی الحال یوٹیوب پریمیم سبسکرائبرز کے لیے دستیاب ہیں، لیکن گوگل مستقبل میں اس فیچر کو تمام صارفین تک پہنچانے کا ارادہ رکھتا ہے۔

یوٹیوب پلے ایبل تک کیسے رسائی حاصل کی جائے؟

اگر آپ YouTube Premium کے سبسکرائبر ہیں، تو آپ ان مراحل پر عمل کر کے Playables تک رسائی حاصل کر سکتے ہیں۔
یوٹیوب ایپ کھولیں اور اپنے پروفائل پر جائیں۔
آپ کے پریمیم فوائدپر ٹیپ کریں۔

تجرباتی نئی خصوصیات آزمائیں پر ٹیپ کریں۔
آپ کو اپنے YouTube ہوم پیج پر ایک نیا گیمزسیکشن نظر آجائے گا ۔

پلے ایبلز اینڈروئیڈ اور آئی او ایس دونوں آپریٹنگ سسٹم پر موبائل ایپس کے ذریعے قابل رسائی ہے۔

پلے ایبلز کا تجربہ 28 مارچ تک جاری رہے گا، اگرچہ گوگل کی جانب سے مکمل رول آؤٹ کے لئے صحیح لانچ کی تاریخ کا تعین نہیں کیا گیا ہے ، لیکن قوی امکان ہے کہ پلے ایبلز کی مستحکم شکل 2024 تک دستیاب نہیں ہوگی۔

فی الحال آزمائشی مرحلے میں حصہ لینے کا استحقاق خصوصی طور پر یوٹیوب پریمیم سبسکرائبرز کو دیا گیا ہے ۔

یہ پڑھیں : اب واٹس ایپ کوای میل کے ساتھ لاگ ان کرنا ہواممکن