حکومتِ پاکستان کا 18 سال سے کم عمرافراد کی کورونا ویکسینیشن شروع کرنے پر غور

تفصیلات کے مطابق حکومت نے کورونا ویکسی نیشن مزید تیز کرنے کیلئے مختلف آپشنز پر غور کرنا شروع کردیا ہے ، ذرائع کا کہنا ہے کہ 18 سال سےکم عمرافراد کی کورونا ویکسینیشن شروع کرنے پر غور کیا جارہا ہے ، اس حوالے سے مشاورت جاری ہے ، ویکسی نیشن سےمتعلق حتمی فیصلہ آئندہ ہفتےہوگا۔

ذرائع کا کہنا تھا کہ 18 سال سے کم عمر افراد کی ویکسینیشن اسٹریٹیجی پر غورجاری ہے ، پہلےمرحلے میں 15سے18سال کے افراد کی ویکسی نیشن اور دوسرےمرحلےمیں 12 سے 15سال کے بچوں کی ویکسی نیشن پر غور ہورہا ہے۔

یہ بھی پڑھیں: ڈبل سواری سمیت ریسٹورنٹ پر عائد پابندی ختم کردی گئی ہے: مرتضیٰ وہاب

ذرائع کے مطابق نادراسے18سال سےکم عمرافرادکی ویکسی نیشن پرمشاورت ہوگی، آزادکشمیر،جی بی سمیت24بڑےشہرواولین ترجیح ہیں، شہریوں کی حوصلہ افزائی سے ویکسی نیشن مہم کے حوصلہ افزا نتائج سامنے آئے ہیں۔

ذرائع نے بتایا ہے کہ 24 گھنٹےکےدوران ملک بھرمیں9 لاکھ4ہزارویکسین ڈوزلگائی گئی ہیں ، حکومت دسمبر تک7کروڑافرادکی ویکسی نیشن کی خواہشمند ہے۔