مقبول خبریں
مفت وائی فائی استعمال کرنے والے صارفین ہوجائیں خبردار
ابوظبی: متحدہ عرب امارات کی ریاست ابوظبی کی انتظامیہ نے شہریوں کو مفت وائی فائی سروس کے استعمال سے خبردار کردیا۔
عرب میڈیا کی رپورٹ کے مطابق ابوظبی کی انتظامیہ نے خبردار کیا ہے کہ عوامی مقامات پر مفت وائی فائی انٹرنیٹ سروس استعمال کرنے سے صارفین ہیکرز کا نشانہ بن سکتے ہیں۔
رپورٹ کے مطابق عوامی مقامات پر مفت انٹرنیٹ کی سروس یوں تو باآسانی میسر ہوتی ہے مگر اس کے بے حد نقصانات ہوتے ہیں۔
یہ بھی پڑھیں: وائی فائی اب مزید تیز اور قابل اعتماد ہونے کو تیار
ابوظبی کی ڈیجیٹل اتھارٹی (اے ڈی ڈی اے) نے سماجی رابطے کی ویب سائٹ ٹویٹر پر جاری اپنے پیغام میں بتایا کہ صارفین مفت وائی فائی کے استعمال سے قبل وی پی این کا استعمال کریں تاکہ ان کا ڈیٹا محفوظ رہ سکے۔
You might not have thought about it, but caution can be your most helpful tool against cyber risks!
Be cautious, be safe.#StaySafe #CyberSecurityTips #Cyberspace pic.twitter.com/oRkk3zicze
— abudhabidigital (@AbuDhabiDigital) April 11, 2021
انہوں نے بتایا کہ سائبر کرائم کرنے والے افراد بھی اکثر ایسے ہی وائی فائی کا استعمال کررہے ہوتے ہیں تاکہ لوگوں کو دھوکا دے سکیں۔