قرآن پاک کا معجزہ: پیدائشی طور پر سننے اور بولنے سے محروم شخص بولنے لگا

ریاض : پیدائشی طور پر سماعت اور گویائی سے محروم شخص کی 58 سال بعد اچانک بولنے اور سننے کی ویڈیو سوشل میڈیا پر وائرل ہوگئی۔

غیر ملکی خبر رساں ادارے کی رپورٹ کے مطابق سعودی عرب کے شہر ابہا میں یہ حیران کن واقعہ پیش آیا جہاں ایک سماعت اور بولنے سے محروم شخص کئی برس بعد اچانک بولنے لگ گیا۔

مقامی میڈیا کا کہنا ہے کہ 58 سالہ سعودی شہری کی سماعت اور گویائی لوٹنا قرآن کریم کا معجزہ کہنا غلط نہ ہوگا، کیونکہ اس کے کان میں سب سے پہلی آواز تلاوت قرآن پاک کی آئی تھی۔

جمال الشہری (متاثرہ شخص) کا کہنا تھا کہ میں ایک دن نماز پڑھنے کی غرض سے مسجد گیا تو پیش امام سورۃ فاتحہ کی تلاوت کررہے تھے اور اچانک میرے کانوں سورۃ حمد کی آوازیں آنے لگیں اور میں نے بے ساختہ سورۃ فاتحہ کی تلاوت شروع کردی۔

سعودی شہری کا کہنا تھا کہ اللہ تعالیٰ نے مجھے سماعت اور گویائی کی قوت اچانک ہی عطا کردی۔

من القصص الواقعية والعجيبة التي تدل على حصول المعجزات بأي وقت أو زمان، يرويها #جمال_الشهري -أصم وأبكم- أنطقه الله الذي أنطق كل شيء بعدما تجاوز عمره الـ58 سنة، فلا نقول إلا سبحان الله .. pic.twitter.com/sBoWtIM57O

— خلف الخميسي (@k_alkhamesi) February 2, 2020

انہوں نے مقامی میڈیا کو بتایا کہ جیسے ہی میں نماز سے فارغ ہوا، اپنی گویائی اور سماعت کی اطلاع اپنی والدہ کو دی، جو میری 58 سال بعد میری آواز سن کر رونے لگیں۔