پی ٹی آئی کراچی کا پیٹرول کی قیمتوں میں اضافے پر عوامی احتجاج کا اعلان

کراچی : تحریک انصاف کراچی نے پیٹرول کی قیمتوں میں اضافے پر پرامن عوامی احتجاج کا اعلان کردیا ہے۔

پی ٹی آئی کراچی کی جانب سے عوامی احتجاج آج شام کو کیا جائے گا، جس کے لیئے شہریوں سے شرکت کی درخواست کی گئی ہے۔

یہ بھی پڑھیں : پیٹرولیم سبسڈی صرف غریب عوام کو حاصل ہوگی : ترجمان پنجاب حکومت

پارٹی کا کہنا ہے کہ امپورٹڈ حکومت نے پیٹرول کی قیمتیں بڑھا کر عوام پر مہنگائی کا بوجھ ڈالا ہے۔ آئی ایم ایف کے حکم پر پیٹرول پر عمران حکومت کی سبسڈی چھین لی گئی ہے۔

میر جعفر میر صادق نے ملک میں مہنگائی سے عوام کا قتل عام کیا ہے۔ اپنی عیاشیوں میں مست مگن امپورٹڈ سرکار نے غریبوں کی زندگی اجیرن کردی ہے۔