ٹرین حادثوں پر عمران نیازی کو کابینہ سمیت فوری استعفیٰ دے دینا چاہیے : سعید غنی

کراچی : سعید غنی کا کہنا ہے کہ ٹرین حادثوں پر عمران نیازی کو اپنی نااہل و نالائق کابینہ سمیت فوری استعفیٰ دے دینا چاہیے۔

وزیر تعلیم و محنت سندھ سعید غنی نے ڈھرکی کے قریب ٹرین حادثے میں قیمتی جانوں کے ضیاع پر شدید دکھ و افسوس کا اظہار کرتے ہوئے زخمیوں کو جلد صحت یابی اور جاں بحق ہونے والوں کی مغفرت کی دعا کی۔

یہ بھی پڑھیں : ٹریک کی حالت ٹھیک نہ ہونے کی رپورٹ کے باوجود غفلت کیوں برتی گئی؟ شہباز شریف

انہوں نے کہا کہ اس نااہل دور حکومت میں ٹرینوں کے حادثے معمول بن گئے ہیں، ٹرین حادثوں پر استعفے کے مثالیں دینے والے عمران نیازی کو اپنی نااہل و نالائق کابینہ سمیت فوری استعفیٰ دے دینا چاہیے۔

ان کا کہنا تھا کہ اس طرح کی سنگین لاپرواہی پر مکمل جامع و شفاف انکوائری ہونی چاہیے۔ جب سے یہ نااہل حکومت عوام پر مسلط کی گئی ہے ہر ادارہ تباہ ہوگیا ہے۔