شہباز شریف کی دعوت پر عمران خان کی بدتہذیبی سے دھچکا پہنچا : اسحاق ڈار

اسلام آباد : وزیر خزانہ کا کہنا ہے کہ عمران خان خود غرض ہے، ان کا بدتہذیبی سے جواب دینے پر دھچکا پہنچا۔

وفاقی وزیر خزانہ اسحاق ڈار نے عمران خان کے گزشتہ روز کیئے گئے ٹوئٹ پر ردعمل میں کہا کہ غیر ذمے دارانہ ٹوئٹ کا مقصد سیکیورٹی کو نقصان پہنچانا ہے۔ اس ٹوئٹ کا مقصد سیاسی ماحول گندا کرنا ہے۔ انہوں نے ملک کی معیشت کو 24ویں سے 47ویں نمبر پر پہنچایا۔

انہوں نے کہا کہ بیڈ گورننس، نا اہلی اور بے پناہ قرض چڑھائے۔ عمران خان کی حکومت میں کرپشن چھائی رہی۔ اس سے مہنگائی میں اضافہ ہوا اور عوام کو تکلیف پہنچی۔ .

یہ بھی پڑھیں : زیرو ٹالرنس پالیسی کے تحت حملہ آوروں کو قانون کے کٹہرے میں لایا جائے گا : وزیر اعظم

ان کا کہنا تھا کہ سب جانتے ہیں عمران خان خود غرض، ایک خود پرست اور خبطی ہے۔ وزیر اعظم کے عہدے سے ہٹائے جانے پر آپے سے باہر ہوگیا۔

اسحاق ڈار نے کہا کہ شہباز شریف نے عمران خان کو ایک سیاسی لیڈر ہونے کے ناطے مدعو کیا۔ شہباز شریف نے عمران خان کو قومی ڈائیلاگ کے لیے مدعو کیا۔ عمران خان کا اس بدتہذیبی سے جواب دینے پر دھچکا پہنچا۔