ایران کی جاسوسی کرنے کے الزام پر فرانسیسی سیاح کو آٹھ سال قید کی سزا

تہران : ایک فرانسیسی سیاح کو ایران کی ایک عدالت نے جاسوسی کے الزام میں آٹھ سال قید کی سزا سنائی ہے۔

ایران-ترکمانستان بارڈر پر جاسوسی ڈرون اڑانے کے الزام پر گرفتار فرانسیسی سیاح کو ایران کے مشرقی شہر مشہد کی انقلابی عدالت میں آٹھ سال قید کی سزا سنادی گئی ہے۔

یہ بھی پڑھیں : ایران کے لیے امریکی نائب خصوصی ایلچی عہدے سے مستعفیٰ

فرانسیسی سیاح نے جیل میں بھوک ہڑتال کر رکھی ہے، اس حوالے سے پیرس میں سیاح کے وکیل نے کہا ہے کہ اس کی حالت انتہائی خراب ہے۔

فرانس کی وزارت خارجہ نے ان کی سزا کو ناقابل قبول قرار دیا اور کہا کہ حقیقت میں اس کی کوئی بنیاد نہیں۔