مقبول خبریں
سزا معطلی کی درخواستیں، عدالت کی ترمیم کیلئے مہلت
اسلام آباد ہائیکورٹ میں نوازشریف، مریم نواز اور کیپٹن ریٹائرڈ صفدر کی سزا معطلی کی درخواستوں کے معاملے پر سماعت ہو ئی۔ایون فیلڈ ریفرنس کے سزا یافتہ ملزمان نے درخواستوں میں ترمیم کیلئے متفرق درخواستیں جمع کرادیں۔
تفصیلات کے مطابق اسلام آباد ہائیکورٹ میں نوازشریف، مریم نواز اور کیپٹن ریٹائرڈ صفدر کی سزا معطلی کی درخواستوں کا معاملے میں سنائی جانے والی سزاوں کے خلاف متعدد درخواستیں دائر کی گئیں ہیں۔
ایون فیلڈ ریفرنس کے سزا یافتہ ملزمان نے درخواستوں میں ترمیم کیلئے متفرق درخواستیں آج عدالت کوجمع کرادیں ہیں ، متفرق سزا معطلی کی درخواستوں میں احتساب عدالت اور نیب کو فریق بنانے کی استدعا کی گئی ہے ۔
گزشتہ سماعت میں کیپٹن ریٹائرڈ صفدر کی سزا معطلی کی درخواست پر سماعت کے دوران احتساب عدالت کو فریق نہ بنائے جانے کا معاملہ سامنے آیا تھا عدالت نے امجد پرویز کی استدعا پر درخواست میں ترمیم کیلئے مہلت دی تھی۔