روسی صدر ولادی میر پیوٹن کے دورہ پاکستان کی تردید

اسلام آباد : ترجمان دفتر خارجہ نے روسی صدر کے دورہ پاکستان کے حوالے سے چلنے والی خبروں کی تردید کردی۔

ترجمان دفتر خارجہ زاہد حفیظ چودہدری نے کہا ہے کہ روسی صدر ولادی میر پیوٹن پاکستان نہیں آرہے۔ پاکستان اور روس کےباہمی رابط اور دیرینہ تعلقات ہیں، دونوں ممالک دوطرفہ روابط، امن اور سلامتی کے امور پر ایک دوسرے کے ساتھ تعاون کرتے رہتے ہیں۔

یہ بھی پڑھیں : روس نے پاکستان سے چاول درآمد کرنے کی اجازت دے دی

انہوں نے کہا کہ رواں برس روس کے وزیرخارجہ کا دورہ پاکستان دو طرفہ تعلقات کی عکاسی کرتا ہے۔ بین الاقوامی کانفرنس میں روس کے صدر کی شرکت کے حوالے سے تاریخ مزید آگے بڑھ گئی ہے۔ ولادی میر پیوٹن کا دورہ پاکستان ابھی طے نہیں ہوا۔