مقبول خبریں
پی ٹی آئی کا’’صاف چلی شفاف چلی ‘‘کا بیانیہ بھی ٹھس ہوگیا: سراج الحق
لاہور: سراج الحق کا کہنا ہے کہ پی ٹی آئی کا’’صاف چلی شفاف چلی ‘‘کا بیانیہ بھی ٹھس ہوگیا، الیکشن کمیشن یہ فیصلہ بروقت کرتا تو پی ٹی آئی 2018ء میں اقتدار میں نہ آتی۔
امیر جماعت اسلامی سراج الحق کا ہیلی کاپٹر حادثے پر افسوس کا اظہار کرتے ہوئے کہنا تھا کہ ہیلی کاپٹر واقعہ قومی حادثہ ہے اور اس سے پوری قوم غم میں ہے۔
یہ بھی پڑھیں: الیکشن کمیشن نے آج عمران خان کو عالمی چور ثابت کردیا: مولانا فضل الرحمان
سراج الحق کا کہنا تھا کہ الیکشن کمیشن کے فیصلہ سے پی ٹی آئی بے نقاب ہو گئی، پی ٹی آئی کا’’صاف چلی شفاف چلی ‘‘کا بیانیہ بھی ٹھس ہو گیا۔
ان کا کہنا تھا کہ 8 برس تک فارن فنڈنگ کیس کو لٹکانے کی وجہ سمجھ سے بالاتر ہے، الیکشن کمیشن یہ فیصلہ بروقت کرتا تو پی ٹی آئی 2018ء میں اقتدار میں نہ آتی۔