پاکستان اور چین آئرن برادرز ہیں: شاہ محمود قریشی

بیجنگ: شاہ محمود قریشی کا کہنا ہے کہ پاکستان اور چین آئرن برادرز ہیں، پرامن اور مستحکم افغانستان، خطے میں امن و استحکام کے لیے ناگزیر ہے۔

وزیر خارجہ شاہ محمود قریشی کی چینی ہم منصب سے ملاقات ہوئی، ملاقات میں دو طرفہ تعلقات علاقائی اور بین الاقوامی امور پر تبادلہ خیال کیا گیا۔

شاہ محمود قریشی نے کہا کہ پاکستان اور چین آئرن برادرز ہیں، پاکستان اور چین کے مابین اسٹریٹیجک شراکت داری مثالی نوعیت کی حامل ہے۔

یہ بھی پڑھیں: چین: سرمائی اولمپکس کا آغاز، افتتاحی تقریب میں وزیراعظم عمران کی شرکت

ان کا کہنا تھا کہ پرامن اور مستحکم افغانستان، خطے میں امن و استحکام کے لیے ناگزیر ہے۔

ملاقات کے دوران، دونوں رہنماؤں نے اگلے وزرائے خارجہ اسٹریٹجک مذاکرات کے جلد از جلد انعقاد اور تمام سطحوں پر قریبی رابطے برقرار رکھنے پر اتفاق کیا۔