مقبول خبریں
پاکستان کے نوجوان کچھ کرنا چاہتے ہیں مگر راستہ نہیں ملتا
ہمارے ملک کی آبادی کا تقریباً ساٹھ فیصد حصہ نوجوانوں پر مشتمل ہے نوجوان یعنی ملک کی ریڑھ کی ہڈی ، نوجوان یعنی جوش و ولولہ ، نوجوان یعنی جذبے سے بھرپور، نوجوان یعنی مضبوط اعصاب کا مالک ۔نوجوان کسی بھی ملک کے لئے خوش قسمتی کا باعث ہوتے ہیں اسی طرح پاکستان کے نوجوان بھی ملک و ملت کے لئے خوش قسمتی کا سامان ہے۔
پاکستانی نوجوان بلا شبہ بہت ہوشیار اور عقلمند ہے اور ان کی قابلیت اکثر اوقات سامنے آتی رہتی ہے۔ نوجوانوں کا کچھ حصہ تو سوشل میڈیا میں لگ کر اپنا وقت برباد کررہا ہے مگر ایک بہت بڑ ا طبقہ ابھی بھی ایسا ہے جو اپنے لئے،اپنے خاندان کے لئے اور اپنی قوم کے لئے کچھ بڑا کرنے کا جذبہ رکھتے ہیں۔
اس بارے میں پڑھیں : سوشل میڈیا کا بے قابو جن
وہ نوجوان جو اپنے اور اپنے ملک کےلئے کچھ کرنا چاہتے ہیں ان کے پاس قوت تو ہے مگرمنزل کا تعین نہیں ۔ ان کے پاس ارادے تو ہیں مگر منزل مبہم ہے۔کوئی بتانے والا نہیں ہے کہ کرنا کیا ہے ؟ کوئی سمجھانے والا نہیں ہے کیسے کرنا ہے؟
کچھ خوش قسمت نوجوانوں کے علاوہ اکثریت کو اپنی منزل کے بارے میں پتا ہی نہیں ہوتا۔ اس کی دلچسپی کیا ہےاس کو یہ ہی سمجھ نہیں آتا۔ اس کو اپنی ڈگری سے مطلب ہوتا ہے نہ کہ تعلیم مکمل کرنی ہوتی ہے کیونکہ اس کو ڈگری حاصل کرکے نوکری کرنی ہوتی ہے ۔
ایک ناکامی کا خوف ہوتا ہےجو اسے مسلسل خوف میں رکھتا ہے اور جس کی وجہ سے ان نوجوانوں کی تخلیقی صلاحیتیں ختم ہوکر رہ جاتی ہیں اور یہ روبوٹ بن جاتے ہیں۔اسی خوف و ہارنے کے ڈر نے لاکھوں نوجوانوں کی تخلیقی ذہن کو روبوٹک ذہن بنادیا ہے۔
ہمارے ملک کے نوجوانوں کی بڑی تعداد آج بھی کنفیوز ہے کہ ان کو کرنا کیا ہے، کیوں کہ کرئیر کونسلنگ کے اداروںکی تعداد نہ ہونے کے برابر ہے اور گھر میں بھی ایسا ماحو ل یا شخصیت نہیں ہےجومستقبل کے لئے منزل کا تعین کرانے میں مدد کراسکیں۔
پاکستان کی خوش قسمتی ہے کہ 60 فیصد سے زائد آبادی نوجوانوں کی ہے یعنی مستقبل روشن ہے مگر ان روشنیوں کوجگمگانے کا موقع نہیں مل رہا ۔ نوجوان کو یہ نہیںسکھانا کہ اس فیلڈ میں جاؤ بلکہ ان کی دلچسپی کو سمجھا جائے پھر اس کے بعد ان کو گائیڈ کیا جائے کہ یہ پیشہ تمھاری دلچسپی کاہے اوراس کو اس طرح چنا جاسکتا ہے۔
یہ پڑھیں: سرکاری نوکری کرنی ہے ، اس میں سکون ہے باس
اسی طرح والدین کو یہ بات سمجھنی ہوگی کہ انجئینر،ڈاکٹر ، پائلٹ اور بینکر کے علاوہ بھی بہت سی فیلڈز ہیں جس کو چنا جاسکتا ہے جس میں مستقبل بھی روشن ہے ۔
پھر زندگی بھر آپ کے بچے کی اس فیلڈ میں دلچسپی بھی رہے گی ورنہ نوکری یا پیسہ تو کما ہی لے گا مگرمشین بن کر کام کرتے رہنا پڑے گا۔اور شاید اس کے دل میں ایک خلش موجود رہے جو اس کو پوری زندگی بے چین کرتی رہے گی۔
نوٹ : جی ٹی وی نیٹ ورک اور اس کی پالیسی کا لکھاری اور نیچے دئے گئے کمنٹس سے متّفق ہونا ضروری نہیں۔
[simple-author-box]