بھارت: انٹیلی جنس کی کارروائی، 500 کروڑ سے زائد کی کوکین پکڑی گئی

مہاراشٹرا: بھارتی ریاست مہاراشٹرا میں اسمگلنگ کے دوران 500 کروڑ روپے سے زائد مالیت کی کوکین پکڑی گئی۔

بھارتی میڈیا کے مطابق ڈائریکٹوریٹ آف ریونیو انٹیلی جنس (ڈی آر آئی) ممبئی زون نے نہاوا شوا پورٹ پر کارروائی کرتے ہوئے سیب کی پیٹیوں میں چھپی کوکین پکڑی۔

سیب کے ڈبوں میں کوکین کی 50 اینٹیں موجود تھیں جن کا وزن 50 کلو سے زائد تھا جب کہ کوکین کی مالیت 502 کروڑ سے زیادہ ہے۔

یہ بھی پڑھیں: کوکین، آئس اور کرسٹل نشے کے خلاف قانون نہ ہونے کا انکشاف

Maharashtra | 50 bricks made of 50.23 kgs of cocaine, valued at Rs 502 cr in illicit market, seized by DRI Mumbai Zonal Unit from a container carrying pears&green apples, imported from South Africa. It was intercepted at Nhava Sheva port on Oct 6. Importer arrested under NDPS Act pic.twitter.com/k46lYcvl8l

— ANI (@ANI) October 8, 2022

ڈی آر آئی ممبئی کا کہنا ہے کہ سیب کے ڈبوں میں کوکین جنوبی افریقا سے برآمد کی جارہی تھی جسے انٹیلی جنس رپورٹ پر پکڑا گیا۔

ڈی آرآئی کے مطابق کوکین اسی امپورٹر کے نام سے بھیجی جارہی تھی جسے حال ہی میں کینو میں 9 کلو ہیروئن اسمگل کرتے ہوئے گرفتار کیا گیا۔