حب : مسافر بس کو حادثہ، خاتون سمیت دو افراد جاں بحق

حب : مسافر بس کے سڑک پر کھڑے ٹرک سے ٹکرانے کے باعث خاتون سمیت دو افراد جاں بحق ہوگئے۔

کراچی کے علاقے ملیر سے اوتھل جانے والی مسافر بس وندر ناکے کھاڑیاں کے قریب حادثے کا شکار ہوگئی، جس کے نتیجے میں خاتون سمیت دو افراد جاں بحق اور بیس سے زائد زخمی ہوگئے۔ بس دوران سفر سڑک پر کھڑے ٹرک سے ٹکرا گئی، ٹرک کے اُوپر کرین موجود تھی۔

یہ بھی پڑھیں : پنجگور میں گاڑیوں کے درمیان تصادم، دو افراد جھلس کر جاں بحق

رات گئے ریسکیو عملے نے زخمی مسافروں کو اسپتال منتقل کیا، جن میں سے متعدد کی حالت تشویش ناک بتائی جارہی ہے۔ حادثے میں جاں بحق اور زخمی افراد کا تعلق ایک ہی خاندان سے بتایا جاتا ہے۔