مقبول خبریں
ہندو توا مودی حکومت کشمیر میں جنگی جرائم کی مرتکب ہو رہی ہے : وزیراعظم
اسلام آباد : وزیراعظم کا کہنا ہے کہ مقبوضہ کشمیر کی آبادی کا تناسب تبدیل کرنے کی کوشش کی جارہی ہے، ہندو توا مودی حکومت کشمیر میں جنگی جرائم کی مرتکب ہو رہی ہے۔
وزیر اعظم عمران خان نے سماجی میڈیا پر جاری ٹوئٹ میں کہا ہے کہ سیکیورٹی کونسل کا کشمیر میں استصواب رائے کا عہد پورا نہیں ہوا۔ ہندو توا مودی حکومت کشمیر میں جنگی جرائم کی مرتکب ہو رہی ہے۔ مقبوضہ کشمیر کی حیثیت، آبادی کا تناسب تبدیل کرنے کی کوشش کی جارہی ہے۔
یہ بھی پڑھیں : کشمیریوں کو 73 سال بعد بھی استصواب رائے کا حق نہیں مل سکا : وزیر خارجہ
انہوں نے کہا کہ مودی حکومت ڈھٹائی سے سیکیورٹی کونسل قرارداد کو پامال کر رہی ہے۔ مقبوضہ کشمیر میں انسانیت کے خلاف جرائم کا ارتکاب ہو رہا ہے۔ مقبوضہ کشمیر میں چوتھے جنیوا کنونشن کی خلاف ورزی ہو رہی ہے۔
ان کا کہنا تھا کہ عالمی برادری بالخصوص اقوام متحدہ بھارت کیخلاف ایکشن لے۔ کشمیری بھارتی قبضے اور جبر کو مسترد اور مزاحمت جاری رکھے ہوئے ہیں۔ پاکستان کشمیریوں کی منصفانہ جدوجہد کی حمایت کے عزم پر ثابت قدم ہے۔