مقبول خبریں
بھارتی جہاز کو تباہ کرنے والی پاک بحریہ کی آبدوز ہنگور کی گولڈن جوبلی
اسلام آباد : ہنگور کے پچاس سالہ جشن شجاعت کے حوالے سے پاک بحریہ نے آبدوز ہنگور ڈے گولڈن جوبلی کے موقع پر خصوصی ویڈیو جاری کردی ہے۔
ترجمان کے مطابق ویڈیو میں پاک بحریہ کی آبدوز ہنگور کی دشمن کے خلاف لازوال کامیابی کو اجاگر کیا گیا ہے۔ 1971 کی جنگ میں پاک بحریہ کی آبدوز ہنگور نے بہادری کی عظیم تاریخ رقم کی، جب بھارتی جنگی جہاز کُکری کو سمندر بُرد کیا۔
یہ بھی پڑھیں : پاک بحریہ کا زمین سے فضاء میں مار کرنے والے میزائلز فائرنگ کا کامیاب مظاہرہ
آبدوز ہَنگور نے اپنے دوسرے حملے میں دوسرے بھارتی جنگی جہاز کِرپان کو بھی مفلوج کیا۔ دوسری جنگ عظیم کے بعد یہ پہلا واقعہ ہے، جس میں کسی آبدوز نے بحری جہاز کو نیست و نابود کر دیا- بحری معرکوں میں پاک بحریہ کی آبدوز ہَنگور کا یہ کارنامہ ہمارے دشمنوں کو کبھی نہ بھولے گا۔