مقبول خبریں
میشا شفیع نے گورنر پنجاب کے اقدام کو ہائیکورٹ میں چیلنج کردیا
لاہور : میشا شفیع گورنر پنجاب کے فیصلے کے خلاف لاہور ہائی کورٹ میں پہنچ گئیں۔
گلوکارہ میشا شفیع نے گورنر پنجاب کی جانب سے جنسی ہراسگی کی اپیل مسترد کرنے کے اقدام کو لاہور ہائیکورٹ میں چیلنج کردیا، میشا شفیع نے بیرسٹر احمد پنسوتہ اور ثاقب جیلانی کے ذریعے ہائیکورٹ سے رجوع کیا۔
میشاء شفیع کی درخواست پر عدالت کے جج جسٹس شاہد کریم نے سماعت کی، عدالت نے آئندہ سماعت پرفریقین کے وکلاء کو دلائل کیلئے طلب کرلیا۔
میشا شفیع کی جانب سے درخواست میں مؤقف اختیار کیا گیا ہے کہ گورنر پنجاب نے جنسی ہراسگی کیخلاف دائرکی گئی اپیل خارج کی، صوبائی محتسب کو اپیل کیلئے مناسب فورم قرارنہ دیتے ہوئے درخواست مستردکی گئی، جنسی ہراسگی کیلئے مالک اور ملازم ہونا ضروری نہیں ہے، کام کی جگہ پرجنسی ہراسگی کیخلاف صوبائی محتسب سے رجوع کیا جا سکتا ہے، عدالت اپیل مسترد کرنے کا اقدام کالعدم قراردے۔