مقبول خبریں
جاپان کے سابق وزیرِ اعظم شنزو ایبے قاتلانہ حملے میں ہلاک
جاپان کے سابق وزیرِ اعظم شنزو ایبے قاتلانہ حملے میں ہلاک ہو گئے، انہیں زخمی حالت میں اسپتال منتقل کیا گیا تھا۔
غیر ملکی خبر ایجنسی کے مطابق جاپان کے سابق وزیرِ اعظم شنزو ایبے کو خطاب کے دوران فائرنگ کا نشانہ بنایا گیا۔
مقامی میڈیا کا کہنا ہے کہ شنزو ایبے کو 2 گولیاں لگیں جس کے بعد انہیں تشویش ناک حالت میں اسپتال لایا گیا۔
Japan’s Abe has died, NHK says. I really hoped he would survive this shocking attempt on his life. So sad and so unacceptable. May he rest in peace. https://t.co/aKkglmMCNq
— Sam Kim (@samkimasia) July 8, 2022
غیر ملکی خبر ایجنسی نے دعویٰ کیا ہے کہ گولی سابق جاپانی وزیرِ اعظم کے سینے پر لگی تھی، جس کے بعد انہیں دل کا دورہ بھی پڑا تھا۔
غیر ملکی خبر ایجنسی کا کہنا ہے کہ شنزو ایبے پر حملے کے فوری بعد ایک مشکوک شخص کو حراست میں بھی لیا گیا ہے،مقامی میڈیا کا کہنا ہے کہ شنزو ایبے الیکشن مہم کے لیے نارا شہر پہنچے تھے۔
67 سالہ شنزو ایبے سب سےطویل عرصہ جاپان کے وزیرِ اعظم رہے تھے،واضح رہے کہ جاپان کی جدید تاریخ میں پہلی دفعہ قومی لیڈر پر قاتلانہ حملہ ہوا ہے۔
یہ پڑھیں : جاپان کے سابق وزیر اعظم کو گولی مار کر شدید زخمی کر دیا گیا