سابق شوہر عمران خان سے کوئی لینا دینا نہیں، جمائما گولڈاسمتھ

عمران خان کی سابقہ اہلیہ جمائما گولڈاسمتھ آج کل پاکستان میں خوب سرخیوں میں ہیں جس کی وجہ لندن میں اُن کے گھر کے بعد احتجاج کا ہونا ہے ۔

عمران خان کی سابقہ اہلیہ جمائما گولڈ اسمتھ کا کہنا تھا کہ میرے گھر کے باہر مظاہرے کیے جا رہے ہیں، ایسا لگ رہا ہے جیسے 90 کی دہائی کا لاہور ہے۔

جمائما کی جانب سے ٹوئٹر پر جب گھر کے باہر احتجاج کی اطلاع دی گئی تو جمائما کا نام پاکستان کے ٹوئٹر ٹرینڈ پینل پر آگیا، اور پاکستانیوں کی بڑی تعداد نے اس احتجاج کی مذمت کی۔

Dear @Jemima_Khan we have lots of respect for your grace, dignity &strength of character. I don’t support such protests but this cycle has started due to zealous PTI supporters. Pls do have a word with Mr Khan to put an end to the harassment of his political opponents in London. https://t.co/ziJwE4f61D

— Raza Ahmad Rumi (@Razarumi) April 15, 2022

پاکستانیوں کے لاتعداد ٹوئٹس پر جمائما بھی کھل کر جواب دے رہی ہیں اور بار بار واضح کررہی ہیں کہ ان کا پاکستان کی سیاست، سابق شوہر عمران خان یا ان کی پارٹی تحریکِ انصاف سے کوئی لینا دینا نہیں ہے ۔

ایک پیغام میں جمائما نے واضح کیا کہ انہیں متعدد بار عمران خان کو کچھ چیزیں بتانے کا کہا جاتا ہے لیکن یہ واضح رہے کہ وہ میرے سابق شوہر ہیں اور ان سے میرا اب کوئی تعلق نہیں ہے، نا ہی ان پر اور نہ ہی ان کی جماعت پی ٹی آئی پر میرا کوئی اثر ہے۔

واضح رہے کہ جمائما اور عمران خان کی شادی 1995 میں ہوئی تھی، ان کے 2 بیٹے سلیمان اور قاسم ہیں، جو اس وقت لندن میں زیر تعلیم ہیں اور اپنی والدہ جمائما کے ہمراہ رہتے ہیں۔

یہ بھی پڑھیں : کپتان ہر بحران سے سرخرو ہو کر نکلا ہے : عثمان بزدار