ن لیگ کی لیڈرشپ اخلاقی طور پر دیوالیہ ہے : فواد چوہدری

اسلام آباد : فواد چوہدری کا کہنا ہے کہ پانامہ سے کورونا تک ڈھٹائی سے جھوٹ بولنے کے فن پر ن لیگ نے ثابت کیا وہ لاثانی ہیں، اخلاقی طور پر دیوالیہ ہیں۔

وفاقی وزیر اطلاعات و نشریات فواد چوہدری نے کہا ہے کہ شاہد خاقان عباسی کا کہنا کہ دنیا نے کورونا پر قابو پالیا ہے، لیکن ہمارے ہاں بڑھ رہا ہے ظاہر کرتا ہے کہ ن لیگ کی لیڈرشپ اخلاقی طور پر دیوالیہ ہے۔

یہ بھی پڑھیں : صرف اللہ سے معافی مانگوں گا اور کسی سے نہیں : شاہد خاقان کا اسپیکر کے نوٹس پر جواب

سماجی میڈیا ٹوئٹر پر جاری بیان میں ان کا کہنا تھا کہ انہیں بڑے سے بڑا جھوٹ بھی آسانی سے کہنے پر ملکہ حاصل ہے، پانامہ سے کورونا تک ڈھٹائی سے جھوٹ بولنے کے فن پر ن لیگ نے ثابت کیا وہ لاثانی ہیں۔