مقبول خبریں
متنازعہ بیان:رانا مشہود کی پارٹی رکنیت معطل
لاہور: مسلم لیگ ن نے متنازعہ بیان پر رانا مشہود کی پارٹی رکنیت معطل کردی۔
پارٹی ترجمان مریم اورنگزیب نے کہا کہ رانا مشہود کی پارٹی رکنیت شہباز شریف کی ہدایت پر معطل کی گئی ہے۔ رانا مشہود سے با زپرس کے لیے تین رکنی خصوصی کمیٹی بھی تشکیل دے دی گئی ہے۔
ترجمان مسلم لیگ ن مریم اورنگزیب نے کہا ہے کہ راجہ ظفر الحق، سردار ایاز صادق اور رانا تنویر پر مشتمل کمیٹی تحقیقات کرے گی، کمیٹی دو ہفتے میں تحقیقات کر کے اپنی سفارشات کے ساتھ رپورٹ پیش کرے گی، تحقیقاتی رپورٹ کی روشنی میں رانا مشہود سے متعلق فیصلہ ہوگا۔