مقبول خبریں
ورلڈ بینک کی پاکستان میں دو منصوبوں کیلئے 535 ملین ڈالر کی منظوری
عالمی بینک نے پاکستان میں دو منصوبوں کے لیے 53 کروڑ 50 لاکھ ڈالر کی منظوری دے دی۔
اعلامیے کے مطابق عالمی بینک پاکستان کو 53 کروڑ 50 لاکھ ڈالر فراہم کرے گا، پہلے پراجیکٹ کے تحت 40 کروڑ ڈالر فراہم کئے جائیں گے، رقم پاکستان میں موسمیاتی تبدیلیوں کے نقصانات کم کرنے پر خرچ ہوگی۔
ورلڈ بینک نے کہا کہ رقم کے ذریعے زرعی شعبے کی پیداوار بہتر ہو سکے گی، رقم کا مقصد زرعی شعبے کو موسمیاتی تبدیلیوں کے اثرات سے محفوظ بنانا ہے۔
اس کے علاوہ دوسرے پراجیکٹ کے تحت 13کروڑ 50 لاکھ ڈالر فراہم کئے جائیں گے جس کا مقصد سندھ میں لائیو اسٹاک کے شعبے میں بہتری لانا ہے۔