اقوام متحدہ نے یوکرین میں 240 افراد کی ہلاکت کی تصدیق کردی

یوکرین کے دارالحکومت پر قبضے کے لیے رشین آرمی اور یوکرینی فوج میں شدید لڑائی جاری ہے، اقوام متحدہ نے یوکرین میں 240 افراد کے مارے جانے کی تصدیق کردی ہے۔

امریکی صدر جو بائیڈن نے یوکرین میں 350 ملین ڈالر کے اضافی ہتھیار بھیجنے کا حکم دے دیا، جرمنی نے بھی اپنے ہتھیار اور جنگی ساز و سامان یوکرین بھجوادیئے۔

روسی وزارت دفاع نے اپنی افواج کو تمام سمتوں سے یوکرین پر حملے کا حکم دے دیا۔

یہ بھی پڑھیں: روس کے حملے جاری، یوکرین لرز اٹھا، نیٹو کا ہزاروں فوجیوں کی تعیناتی کا اعلان

امریکا اور مغربی ممالک نے روس کے بینکوں کو سوئفٹ نظام سے علیحدہ کرتے ہوئے باقی دنیا سلسلہ کاٹ دیا۔