مقبول خبریں
معروف اداکار محب مرزا کے والد انتقال کرگئے
کراچی: پاکستانی شوبز انڈسٹری کے معروف اداکار محب مرزا کے والد محسن مرزا انتقال کرگئے۔
اداکار محب مرزا نے یہ افسوسناک خبر سوشل میڈیا پر شیئر کرتے ہوئے بتایا کہ عموماً میں سوشل میڈیا پر اپنی نجی زندگی سے متعلق کچھ بھی شیئر نہیں کرتا لیکن میں چاہتا ہوں کہ دنیا میرے والد کے بارے میں جانے۔
انہوں نے بتایا کہ ان کے والد کا انتقال 13 جنوری کو ہوا تھا، ان کے والد ایک رحم دل شخص تھے انہوں نے وکالت پڑھی تھی۔ اس کے علاوہ وہ ایک آرٹسٹ بھی تھے۔
یہ بھی پڑھیں: اداکارہ جویریہ عباسی کی والدہ انتقال کرگئیں
انہوں نے دعا کی کہ خدا ان کے والد کی روح کو جنت الفردوس میں اعلیٰ مقام دے آمین۔
محب مرزا نے اپنی کامیابیوں کا سہرا اپنے والد کے سر باندھتے ہوئے کہا کہ میری خوشیاں اور کامیابیاں سب آپ سے تھیں۔