کراچی : لاک ڈاؤن کے ثمرات، کورونا کے مثبت کیسز کی شرح چار فیصد کم ہوگئی

کراچی : شہر قائد میں لاک ڈاؤن کے باعث کورونا کے مثبت کیسز کی شرح چار فیصد گرگئی۔

حکومت سندھ کی جانب سے کورونا وائرس کی تیزی سے پھیلتی ہوئی چوتھی لہر کو روکنے کے لیئے لگائے گئے لاک ڈاؤن کے مزید اچھے نتائج سامنے آنے لگے ہیں۔ پابندیوں کے چار دنوں میں کورونا کے مثبت کیسز کی شرح چار فیصد گرگئی۔

یہ بھی پڑھیں : سابق وزیراعلیٰ سندھ قائم علی شاہ کورونا وائرس میں مبتلاء ہوگئے

31 جولائی لاک ڈاؤن کے پہلے روز کراچی میں مثبت کیسز کی شرح 24.9 فیصد ریکارڈ کی گئی۔ آج شہر میں کورونا کی مثبت کیسز کی شرح 20.1 ریکارڈ کی گئی ہے۔

صوبے بھر میں میں ایک ہزار 8 سو 47 نئے کیسز سامنے آئے، جس میں ایک ہزار 3 سو 42 مثبت کیسز کراچی سے رپورٹ ہوئے۔ صوبے بھر میں 24 گھنٹوں میں کورونا سے مزید 36 اموات ہوئیں۔