انڈونیشیا : سیاحوں کی بس بل بورڈ سے ٹکرانے سے 14 افراد ہلاک

جکارتہ : ڈرائیور کی غنودگی کے باعث سیاحوں سے بھری بس بل بورڈ سے ٹکرانے کے باعث 14 افراد ہلاک ہوگئے۔

انڈونیشیا کے مشرقی جاوا صوبے کے دارالحکومت سورابایا سے انڈونیشی سیاحوں کو لے جانے والی بس وسطی جاوا کے ایک مشہور پہاڑی تفریحی مقام کے سفر سے واپس آرہی تھی کہ فجر کے فوراً بعد بل بورڈ سے ٹکرا گئی، جس کے نتیجے میں 14 افراد ہلاک اور 19 زخمی ہو گئے۔

یہ بھی پڑھیں : انڈونیشیا میں 13 لڑکیوں کی عصمت دری کرنے والے پرنسپل کو سزائے موت

حکام کا کہنا ہے کہ ڈرائیور مبینہ طور پر  حادثے سے قبل غنودگی میں تھا۔ پولیس نے ابھی تک ڈرائیور سے پوچھ گچھ نہیں کی ہے، جسے شدید چوٹیں آئی ہیں۔ علاقے کے چار اسپتالوں میں انیس افراد کا علاج کیا جا رہا تھا، جن میں زیادہ تر کی ہڈیاں ٹوٹی ہوئی تھیں۔