رکن قومی اسمبلی کی گرفتاری سے قبل اسپیکر سے اجازت لینے کی ترمیم منظور

اسلام آباد : قومی اسمبلی نے متفقہ طور پر رکن اسمبلی کی گرفتاری کی اجازت اسپیکر سے لینے کی ترمیم منظور کرلی ہے۔

قائم مقام اسپیکر زاہد اکرم درانی کی زیر صدارت قومی اسمبلی اجلاس کا ہوا، جس میں مسلم لیگ ن کے رہنماء مرتضیٰ جاوید عباسی نے قواعد میں ترمیم کی تحریک پیش کی۔

یہ بھی پڑھیں : خواجہ آصف کا بلوچستان کے مسئلے پر سچائی کمیشن بنانے کا مطالبہ

مجوزہ ترمیم کے مطابق کسی بھی رکن اسمبلی کی گرفتاری سے قبل اسپیکر سے اجازت ضروری ہو گی۔ گرفتاری کے بعد تحویل میں رکھنے کے مقام سے بھی آگاہ کرنا ضروری ہوگا۔ کسی رکن اسمبلی قومی اسمبلی کے احاطے سے گرفتار کرنے پر پابندی ہوگی۔

وفاقی وزیر برائے دفاع خواجہ آصف نے تجویز پیش کی کہ ارکان کے پروڈکشن آرڈر لازمی جاری کرنے کو بھی ترمیم کا حصہ بنایا جائے۔ قومی اسمبلی نے قواعد میں ترمیم کی تحریک منظور کرلی۔