طالبان کی اپنے قیدیوں کی رہائی کے بدلے میں جنگ بندی کی پیشکش

کابل : افغان حکومت عہدیدار کا کہنا ہے کہ طالبان نے اپنے قیدیوں کی رہائی کے بدلے میں جنگ بندی کی پیشکش کی ہے۔

امن مذاکرات میں شامل افغان حکومتی عہدیدار نادر نادری نے صحافیوں سے بات چیت کرتے ہوئے دعویٰ کیا ہے کہ طالبان نے افغانستان کی جیلوں میں قید سات ہزار قیدیوں کی رہائی کے بدلے میں تین ماہ تک جنگ بندی کی پیشکش کی ہے۔

یہ بھی پڑھیں : پاکستان طالبان کو مذاکرات کی میز پر لایا، کردار کو سراہتے ہیں : امریکہ

انہوں نے کہا کہ طالبان یہ بھی چاہتے ہیں کہ اقوام متحدہ ان کی تنظیم کے قائدین کے نام اپنی بلیک لسٹ سے نکال دے۔