اب واٹس ایپ کوای میل کے ساتھ لاگ ان کرنا ہواممکن

معروف میسیجنگ ایپ واٹس ایپ نے اپنے صارفین کے لیے نئے فیچر کے اضافے کا اعلان کر دیا ہے،جس میں ای میل کو آسانی سے واٹس ایپ اکاؤنٹ کے ساتھ لنک کرنا ممکن ہو گا۔

غیر ملکی میڈیارپورٹ کے مطابق میسجنگ ایپ واٹس ایپ کے صارفین نئے فیچر کا استعمال انتہائی آسانی کے ساتھ کر سکیں گے،واٹس ایپ صارفین نئی اپ ڈیٹ انسٹال کیے بغیر ہی نئے فیچر کا تجربہ کر سکیں گے،تاہم بیٹا انفو ویب سائٹ نے اس نئی اپ ڈیٹ کو ’کمپیٹیبل‘ قرار دیا ہے۔

نئے فیچر سے واٹس ایپ صارفین میسج کے ذریعے موصول ہونے والے 6 ہندسوں کے تصدیقی کوڈ کے بغیر اپنے واٹس ایپ اکاؤنٹس میں لاگ ان کر سکیں گے، نیا فیچر بطور خاص ان صارفین کیلئے فائدے مند ہوگا، جنہیں نیٹ ورک سم یا دیگر مسائل کی وجہ سے تصدیقی کوڈ حاصل کرنے میں عارضی مسائل کا سامنا کرنا پڑتا ہے۔

واضح رہے کہ کمپنی نے واٹس ایپ پر بذریعہ تصدیقی کوڈ لاگ ان کرنے کے روایتی طریقے کار کو ختم نہیں کیا ہے بلکہ صارفین کو اکاؤنٹ میں لاگ ان کرنے کا ایک متبادل طریقہ کار فراہم کیا ہے۔

واٹس ایپ نے اپنے صارفین کو مشورہ دیا ہے کہ وہ اس فیچر کو حاصل کرنے کے لیے اپنے پاس واٹس ایپ کو جلدی اپ ڈیٹ کر لیں۔

یہ پڑھیں : واٹس ایپ پر چینل بنانے کاطریقہ جانئے