فرخ حبیب نے وزیر مملکت برائے اطلاعات و نشریات کے عہدے کا حلف اٹھالیا

اسلام آباد : پی ٹی آئی رہنماء فرخ حبیب نے وزیر مملکت برائے اطلاعات و نشریات کے عہدے کا حلف اٹھالیا ہے۔

وفاقی کابینہ میں تین نئی تقرریاں کردی گئیں، جس کا نوٹفیکیشن بھی جاری کردیا گیا ہے۔ کابینہ ڈویژن نے حلف اٹھانے کے بعد رکن قومی اسمبلی فرخ حبیب کو وزیر مملکت برائے اطلاعات و نشریات مقرر کردیا گیا۔

یہ بھی پڑھیں : شیری رحمان کی کابینہ میں تبدیلی اور کورونا ویکسین لگانے کی سست رفتار پر تنقید

عثمان ڈار دوبارہ وزیراعظم کے معاون خصوصی برائے یوتھ افیئرز اور ڈاکٹر وقار مسعود کو وزیر اعظم کے معاون خصوصی خزانہ و ریونیو مقرر کردیا گیا ہے۔

ڈاکٹر وقار مسعود اس سے قبل وزیر اعظم کے معاون خصوصی ریونیو تھے۔