مقبول خبریں
دعا زہرا کے نکاح خواں اور گواہ نے درخواست ضمانت دائر کردی
کراچی : نکاح خواں اور گواہ کا کہنا ہے کہ پولیس نے ہمیں مقدمے سے ڈسچارج کرنے کی استدعا کر رکھی ہے۔
ایڈیشنل ڈسٹرکٹ اینڈ سیشن جج شرقی کی عدالت میں دعا زہرا کے مبینہ اغواء کے کیس کی سماعت ہوئی۔ گرفتار نکاح خواں غلام مصطفیٰ اور گواہ اصغر نے ضمانت کی درخواست دائر کردی۔
یہ بھی پڑھیں : دعا زہرانابالغ ہے : عدالت میں نئی میڈیکل رپورٹ جمع
درخواست گزار نے مؤقف اختیار کیا کہ پولیس کی جانب سے کیس کا سی کلاس چالان پیش کیا گیا ہے۔ پولیس نے ہمیں مقدمے سے ڈسچارج کرنے کی استدعا کر رکھی ہے۔ عدالت سے استدعا ہے کہ درخواست ضمانت منظور کی جائے۔
عدالت نے درخواست ضمانت پر سماعت 7 جولائی کو مقرر کردی۔ غلام مصطفیٰ اور گواہ اصغر عدالتی ریمانڈ پر جیل میں ہیں۔