گوگل میپس کا صارفین کی آسانی کیلئے ایک اور کارآمد فیچر

گوگل میپس میں صارفین کی آسانی کے لئے اب ایک اور کارآمد فیچر متعارف کروایا جارہا ہے۔

گوگل میپس کی مقبول سروس میں ائیر کوالٹی لیئر نامی فیچر کا اضافہ کیا جارہا ہے جو صارف کے ارد گرد موجود ہوا کے معیار کے بارے میں بتائے گا، یعنی آپ کے ارد گرد ہوا خراب ہے یا اچھی، گوگل میپس سے جاننا ممکن ہوگا۔

ان تفصیلات کو جان کر آپ زیادہ بہتر فیصلہ کر سکتے ہیں کہ گھر سے باہر جانا چاہیئے اور اگر جانا لازمی ہے تو وقت کے دورانیے کا فیصلہ کرنے میں بھی مدد مل سکے گی۔

یہ بھی پڑھیں: گوگل کا کروم براؤزر میں ایک کارآمد ٹول کا اضافہ

گوگل میپس میں یہ تفصیلات قابل اعتبار ماحولیاتی اداروں کے ڈیٹا کے ذریعے فراہم کی جائیں گی، یہ فیچر استعمال کرنے کے لیے سیٹنگز مینیو میں جا کر وہاں ایئر کوالٹی آپشن کو سلیکٹ کرنا ہوگا۔